Jafnréttisviðurkenning KSÍ
Á 62. ársþingi KSÍ þann 9. febrúar 2008 síðastliðinn var samþykkt jafnréttisáætlun KSÍ en samkvæmt áætluninni skal veita jafnréttisviðurkenningu KSÍ á næsta ársþingi KSÍ sem fram fer þann 14. febrúar næstkomandi.
Í aðgerðaráætlun sem fylgdi tillögunni kemur fram að veita skuli viðurkenninguna einstaklingi eða félagi sem hefur unnið framúrskarandi starf á sviði jafnréttismála innan íslenskrar knattspyrnu og/eða stuðlað að framgangi jafnréttis í íslenskri knattspyrnu.
Framkvæmdanefnd um jafnréttisáætlun óskar eftir tilnefningum fyrir þessi verðlaun. Ítrekað er að þessi verðlaun tengjast ekki eingöngu jafnrétti kynjanna heldur jafnrétti í víðasta skilningi.
Tilnefningar gætu til dæmis tengst bættri umgjörð fyrir konur í fótbolta, aðgerðum til að minnka brottfall minnihlutahópa, aðgerðum til að auka áhuga almennings á knattspyrnu kvenna, aðgerðum til að jafna aðgang minnihlutahópa að íþróttafélögum, aukin fjölmiðlaumfjöllun um konur eða aðra minnihlutahópa í íþróttum o.s.frv.
Tilnefningar skulu sendar í tölvupósti á klara@ksi.is, fyrir 1. febrúar næstkomandi.
