Kristinn og Sigurður Óli til Englands
Kristinn Jakobsson og Sigurður Óli Þorleifsson halda til Englands á morgun þar sem þeim hefur verið boðið að taka þátt í æfingum og fræðsluráðstefnu Úrvaldseildardómara í Englandi. Ennfremur fylgjast þeir með dómurum að störfum í leikum í ensku úrvalsdeildinni. Leikirnir sem um ræðir eru Chelsea - Stoke sem Peter Walton dæmir og Tottenham - Portsmouth þar sem Steve Bennett er við stjórnvölinn.
Það er Keith Hackett, yfirmaður dómaramála í Englandi, sem að býður þeim Kristni og Sigurði sérstaklega í þessa ferð en Hackett er Íslendingum að góðu kunnur og hefur m.a. tvívegis flutt erindi á landsdómararáðstefnu íslenskra dómara.
.jpg?proc=760){kind=logo}
