Íslandsmeistararnir búnir að skila
Íslandsmeistarar FH urðu í dag fimmta félagið til að skila leyfisgögnum vegna leyfisumsóknar fyrir keppnistímabilið 2009. Um er að ræða fylgigögn með leyfisumsókn og snúa þau að öllum þáttum öðrum en fjárhagslegum.
Skiladagur þessara gagna er fimmtudagurinn 15. janúar og því hafa þau félög sem ekki hafa skilað tvo daga til stefnu. Skiladagur fjárhagslegra gagna er svo 20. febrúar.
Í leyfishandbók kemur eftirfarandi fram um þau viðurlög sem skal beita ef tímamörk eru ekki virt við skil á leyfisgögnum:
2.2.3.2 Tímamörk ekki uppfyllt
Ef leyfisumsækjandi uppfyllir ekki sett tímamörk um framlagningu leyfisgagna skal hann sæta viðurlögum. Við ákvörðun þeirra skal taka mið af alvarleika brotsins. Eftirfarandi viðurlögum er hægt að beita:
1) Viðvörun og sekt; við fyrsta brot skal beita dagsektum að upphæð kr 1.500 fyrir hvern dag sem líður þangað til viðeigandi gögnum hefur verið skilað, að hámarki kr 30.000.
2) Áminning og sekt; við ítrekað brot skal skal beita dagsektum að upphæð kr 3.000 fyrir hvern dag sem líður þangað til viðeigandi gögnum hefur verið skilað, að hámarki kr 60.000.
3) Stigatap; við alvarlegt og ítrekað brot er jafnframt heimilt að draga allt að 3 stig frá félaginu í deildarkeppninni.
Ítrekunarkvöð fellur niður ef tímamörk hafa verið uppfyllt í 3 ár samfleytt.
.jpg?proc=760)
