Mark Heiðars dugði á Möltu
Ísland lagði Möltu í vináttulandsleik er fór fram í dag en leikið var á Möltu. Lokatölur urðu 0-1 og var það Heiðar Helguson sem skoraði mark Íslendinga í síðari hálfleik. Íslenska liðið var með undirtökin mest allan leikinn og átti nokkur ágætis færi þó svo að dauðafærin hafi ekki verið mörg.
Staðan í leikhléi var 0-0 en mark Íslands kom á 66. mínútu eftir mikla pressu að marki heimamanna. Heiðar Helguson nýtti sér varnarmistök Möltu og setti boltann í markið. Heimamenn fengu afar fá tækifæri til að ógna marki Íslendinga en besta færi þeirra kom í uppbótartíma þegar að Árni Gautur sá við sóknarmanni þeirra er kominn var einn innfyrir.
Garðar Jóhannsson koma inn á í síðari hálfleik og lék þar með sinn fyrsta landsleik.
Heimasíðan var með beina textalýsingu frá leiknum og studdist þar við ábyrga aðila sem staddir voru á leiknum. Textalýsinguna má sjá með því að smella hér.
.jpg?proc=760)
.jpg?proc=760)
