Landsliðið æfir á Möltu
Íslenska karlalandsliðið er statt á Möltu um þessar mundir en leikinn verður vináttulandsleikur við heimamenn á morgun, miðvikudaginn 19. nóvember. Leikurinn hefst kl. 13:30 að íslenskum tíma.
Hópurinn æfði allur í gærkvöldi og í dag eru tvær æfingar. Hópurinn er í góðu standi og allir tilbúnir í slaginn á morgun.
Aðstæður eru hinar ágætustu, hitastigið rétt tæpar 20 gráður og sól var á æfingunni í morgun. Hinsvegar var æfingasvæðið nokkuð blautt eftir rigningar næturinnar.