Þjálfaranámskeið í nóvember
Fjögur þjálfaranámskeið eru framundan í nóvember. Helgina 14.-16. nóvember verður KSÍ II þjálfaranámskeið haldið í Reykjavík. Helgina 21.-23. nóvember verða tvö námskeið. Annars vegar KSÍ V þjálfaranámskeið í Reykjavík og hins vegar KSÍ II þjálfaranámskeið á Höfn í Hornafirði. Síðasta KSÍ II þjálfaranámskeið mánaðarins verður svo haldið á Ísafirði helgina 28.-30. nóvember.
Þátttökurétt á KSÍ V þjálfaranámskeiðið hafa allir þeir sem lokið hafa fyrstu fjórum námskeiðunum auk þess að hafa fengið 70 stig eða hærra á KSÍ B (UEFA B) prófinu. Þátttökurétt á KSÍ II þjálfaranámskeiðin hafa allir þeir sem lokið hafa KSÍ I.
Skráning á öll þessi námskeið er í fullum gangi og hægt er að skrá sig með því að senda tölvupóst á dagur@ksi.is með eftirfarandi upplýsingar: Nafn, kennitala, heimilisfang, póstnúmer, símanúmer, tölvupóstfang og félag.
.jpg?proc=760){kind=logo}
