Kvennalandsliðið í efri styrkleikaflokki á Algarve Cup 2009
A-landslið kvenna mun leika í efri styrkleikaflokki á Algarve Cup 2009, sem fram fer í Portúgal í byrjun mars á næsta ári. Þetta þýðir að stelpurnar okkar munu leika gegn nokkrum af sterkustu landsliðum heims, sem hlýtur að teljast mjög góður liður í undirbúningi fyrir úrslitakeppni EM 2009 í Finnlandi.
Þetta er í fyrsta sinn sem Ísland er í efri styrkleikaflokki eftir að mótið varð deildaskipt. Í kjölfar þess að Ísland komst í úrslitakeppni EM 2009 óskaði KSÍ eftir því við mótshaldara að Ísland myndi leika í efri flokknum á Algarve Cup 2009 og á það var fallist.
Í efri styrkleikaflokknum eru átta þjóðir sem verður síðan skipt í tvo riðla. Þjóðirnar eru þessar:
- Kína
- Danmörk
- Finnland
- Þýskaland
- Ísland
- Noregur
- Svíþjóð
- Bandaríkin
Leikdagar í mótinu eru þessir:
- 4. mars
- 6. mars
- 9. mars
- 11. mars (leikir um sæti)
.jpg?proc=760)
.jpg?proc=760)
