Æft á keppnisvellinum í dag
Eins og kunnugt er fer fram leikur Írlands og Íslands á morgun í umspili fyrir sæti í úrslitakeppni EM 2009. Um er að ræða fyrri leik þjóðanna en sá síðari fer fram á Laugardalsvelli, fimmtudaginn 30. október kl. 18:10.
Hópurinn æfði á keppnisvellinum, Richmond Park, í dag og tóku allir leikmenn þátt í æfingunni. Mikið rigndi í dag í Dublin og var völlurinn mjög blautur af þeim sökum. Þá var einnig töluverður vindur en heldur hlýrra var í veðri í dag heldur en síðustu daga eða um 14 stiga hiti.
Leikurinn hefst kl. 15:00 að íslenskum tíma á morgun og verður hann í beinni útvarpslýsingu á Rás 2.
.jpg?proc=760)
.jpg?proc=760)
