Æft tvisvar í dag
Landsliðið hélt utan í gær til Dublin þar sem liðið leikur fyrri leikinn í umspili um sæti í úrslitakeppni EM kvenna 2009. Æft var í Reykjaneshöllinni í gær og flogið síðar um daginn til Írlands.
Í morgun var svo æft á velli írska liðsins Bluebell United og mun liðið æfa þar aftur síðar í dag. Æfingavöllurinn er í góðu ástandi og það sama má segja um ástand hópsins. Nokkur vindur er í Dublin og hitinn um 8 gráður sem þykir sumstaðar bara nokkuð gott.
Æft verður einnig á morgun, laugardag, en stóra stundin rennur svo upp kl. 15:00 á sunnudag þegar flautað verður til leiks Írlands og Íslands.
