KSÍ II þjálfaranámskeið á næstu vikum
Knattspyrnusamband Íslands mun á næstu vikum halda tvö KSÍ II þjálfaranámskeið á höfuðborgarsvæðinu. Annars vegar er um að ræða námskeið sem haldið verður helgina 31. október – 2. nóvember og hins vegar 14.-16. nóvember. Þátttökurétt hafa allir þeir sem hafa KSÍ I þjálfararéttindi.
Námskeiðið er haldið í Fræðslusetri KSÍ í Laugardal (bóklegir tímar) og í knattspyrnuhúsinu Kórnum í Kópavogi (verklegir tímar). Námskeiðsgjaldið er kr. 15.000,-
Áhugasamir eru vinsamlegast beðnir um að senda eftirfarandi upplýsingar á dagur@ksi.is: nafn, kennitala, heimilisfang, símanúmer og félag.
Einnig er hægt að skrá sig með því að hringja í síma 510-2977.
Hér að neðan má sjá dagskrá námskeiðsins sem haldið verður helgina 31. október – 2. nóvember, en dagskráin er birt með fyrirvara um smávægilegar breytingar.
.jpg?proc=760)
