Tap gegn Austurríki hjá U19 karla
Strákarnir í U19 karla lágu fyrir Austurríkismönnum í öðrum leik liðsins í undankeppni EM en leikið er í Makedóníu. Austurríkismenn sigruðu með þremur mörkum gegn engu eftir að hafa haft tveggja marka forystu í hálfleik.
Eftir ágætan leik gegn Svíum á laugardaginn, sem endaði með 3-3 jafntefli, náði íslenska liðið sér engan veginn á strik. Austurríkismenn höfðu yfirhöndina allan tímann og fóru með verðskuldaðan sigur af hólmi.
Lokaleikur íslenska liðsins verður gegn heimamönnum í Makedóníu og fer sá leikur fram á fimmtudaginn kl. 12:00.
.jpg?proc=760)
.jpg?proc=760)
