Strákarnir í U19 hefja leik í dag
Undankeppni EM U19 karla hefst í dag hjá Íslendingum og er leikið í Makedóníu. Mótherjar dagsins eru Svíar og hefst leikurinn kl. 12:00 að íslenskum tíma. Á mánudaginn verður leikið gegn Austurríki og heimamenn í Madedóníu verða mótherjarnir í síðustu umferðinni á fimmtudaginn.
Tvær efstu þjóðirnar tryggja sér sæti í milliriðlum ásamt þeim tveimur liðum í þriðja sæti er hafa bestan árangur í riðlunum þrettán.