Sárt tap gegn Frökkum hjá U17 kvenna
Stelpurnar í U17 kvenna hófu leik í morgun í undankeppni EM en riðill þeirra er leikinn á Ítalíu. Frakkar voru mótherjar í fyrsta leiknum og sigruðu með einu marki gegn engu. Sigurmark Frakka kom í uppbótartíma og vonbrigði íslenska liðsins því mikil.
Aðstæður á Ítalíu voru frábærar í dag, 20 stiga hiti og logn á leikstað. Franska liðið var meira með boltann en íslenska liðið veitti fá sem engin færi á sér í leiknum og hélt franska liðinu í skefjum með góðri baráttu og sterkum varnarleik.
Sama var upp á teningnum í seinni hálfleik og allt stefndi í markalaust jafntefli þegar að franska liðið náði að skora sigurmarkið á 84. mínútu. Íslensku stelpurnar náðu einungis að taka miðjuna áður en að dómarinn flautaði til leiksloka.
Næsti leikur íslenska liðsins er á fimmtudaginn þegar þær leika gegn heimastúlkum. Leikurinn hefst kl. 09:00 að íslenskum tíma.
.jpg?proc=760)
.jpg?proc=760)
