Víðtækt og árlegt gæðamat á leyfiskerfi KSÍ
Dagana 16. og 17. október mun fara fram víðtækt gæðamat á skipulagi leyfiskerfis KSÍ og því starfi sem unnið er við rekstur þess. Matið er framkvæmt árlega af fulltrúum SGS, sem er alþjóðlegt vottunarfyrirtæki og sér um gæðamat á leyfiskerfum fyrir UEFA í aðildarlöndum sambandsins.
Gríðarleg vinna hefur verið lögð í leyfiskerfið hér á landi, bæði hjá KSÍ og félögum í Landsbankadeild karla, og hefur Ísland verið í fararbroddi á meðal aðildarþjóða UEFA í innleiðingu kerfisins frá byrjun.
Aldrei áður hafa jafn mörg félagslið undirgengist leyfiskerfið á Íslandi og nú, en kerfið nær til tveggja efstu deilda karla - 24 félaga.
Fulltrúar SGS munu ekki eingöngu skoða skipulag og vinnuferli leyfisstjórnar KSÍ, heldur munu gögn nokkurra félaga verða valin af handahófi og skoðuð í þaula, til að tryggja að vinnubrögð KSÍ og félaganna séu í fullnægjandi gæðum, og að þau samkvæmt leyfishandbók KSÍ og gæðastaðli UEFA.
.jpg?proc=760)
