Stelpurnar halda utan á morgun
Undirbúningur íslenska liðsins fyrir leikinn gegn Frökkum hófst formlega í gær þegar liðið kom saman til æfinga. Æft er aftur í dag en snemma í fyrramálið heldur liðið til Frakklands.
Flogið er til Parísar en síðan tekur við rútuferð til Saint Jean De Monts þar sem liðið mun gista. Æft verður tvisvar á fimmtudag og sömuleiðis á föstudag og fer seinni æfingin fram á kepnisvellinum, Henri Desgrange í La Roche-Sur-Yon.
Franska liðið undirbýr sig einnig af kostgæfni og kom liðið saman á hótel í gær og verður þar saman fram að leik. Franska liðið lék síðast í undankeppninni 8. maí síðastliðinn þegar að þær sigruðu Serba með tveimur mörkum gegn engu á 
heimavelli.
Sigurður Ragnar Eyjólfsson, landsliðsþjálfari, hefur notað tölvert myndbandstæknina þegar hann undirbýr lið sitt fyrir leikina. Vert er að minna á myndbönd hér á síðunni en þessi myndbönd sýndi Sigurður Ragnar sínum leikmönnum fyrir síðustu heimaleiki Íslands, gegn Slóveníu og Grikklandi. Jafnvel má búast við nýju myndbandi frá þjálfaranum hér að á síðuna þegar nær leiknum mikilvæga.
.jpg?proc=760)
.jpg?proc=760)
