Riðill U17 karla hefst á miðvikudaginn
Næstkomandi miðvikudag hefst undankeppni EM hjá U17 karla og verður riðill Íslands leikinn hér á landi. Fyrsti leikur Íslands verður gegn Sviss og fer sá leikur fram á Akranesvelli kl. 16:00.
Aðrar þjóðir í riðlinum eru Úkraína og Noregur og leika þau á Grindavíkurvelli á sama tíma. Á föstudaginn mæta svo Íslendingar Úkraínu á KR velli og Norðmenn verða mótherjarnir á Vodafonevellinum, mánudaginn 29. september.
Tvær efstu þjóðirnar tryggja sig áfram í milliriðla en þeir verða leiknir í mars á næsta ári. Úrslitakeppnin fer svo fram í Þýskalandi í maí 2009.
