Berglind inn í U19 hópinn
Ólafur Þór Guðbjörnsson, landsliðsþjálfari U19 kvenna, hefur gert eina breytingu á hóp sínum fyrir undankeppni EM. Berglind Bjarnadóttir úr Víkingi kemur inn í hópinn í stað Þórhildar Ólafsdóttur úr ÍBV sem er meidd.
Hópurinn hélt utan í gær en förinni er heitið til Ísrael þar sem riðill Íslands er leikinn. Mótherjar íslensku stelpnanna eru Írland, Grikkland og Ísrael en það er einmitt gegn heimastúlkum sem Ísland leikur sinn fyrsta leik. Fer hann fram miðvikudaginn 24. september og hefst kl. 14:00 að íslenskum tíma.
