U17 karla leikur í undankeppni EM hér á landi
Strákarnir í U17 karla leika í riðlakeppni EM hér á landi dagana 24. - 29. september. Andstæðingar Íslendinga í riðlinum verða Sviss, Úkraína og Noregur. Luka Kostic, landsliðsþjálfari U17 karla mun tilkynna æfingahóp fyrir keppnina á morgun, þriðjudag.
Ljóst er að riðillinn verður erfiður en vonandi mun heimavöllurinn nýtast íslenska liðinu. Íslenska liðið mun leika leiki sína á Akranesvelli, KR velli og Vodafonevellinum en auk þessara valla verður leikið á Fjölnisvelli, Grindavíkurvelli og Keflavíkurvelli.
