Ísland niður um 10 sæti á styrkleikalista FIFA
Á nýjum styrkleikalista FIFA fyrir karlalandslið, er birtur var í dag, fellur Ísland um 10 sæti og situr nú í 107. sæti listans. Spánverjar eru á toppi listans en fyrstu fimm þjóðirnar á listanum eru Evrópuþjóðir.
Ef litið er til mótherja Íslendinga í undankeppni HM 2010 þá eru Hollendingar í 4. sæti, Skotar í 16. sæti, Norðmenn í 34. sæti og Makedónía í 56. sæti.