Guðmundur og Jónas Guðni í landsliðshópinn
Ólafur Jóhannesson, landsliðsþjálfari, valdi í dag þá Guðmund Steinarsson úr Keflavík og Jónas Guðna Sævarsson úr KR í landsliðshópinn fyrir leikina gegn Noregi og Skotlandi. Þeir koma í stað Ólafs Inga Skúlasonar og Theodórs Elmars Bjarnasonar sem eru meiddir.
Landsliðið heldur utan á morgun en leikið verður við Noreg í Osló næstkomandi laugardag en gegn Skotum hér heima, miðvikudaginn 10. september. Þetta eru fyrstu leikir liðsins í undankeppni fyrir HM 2010 en úrslitakeppnin fer fram í Suður Afríku.
Miðasala á Skotaleikinn er í fullum gangi á midi.is og eru knattspyrnuáhugamenn hvattir til þess að tryggja sér miða í tíma.
.jpg?proc=760)
.jpg?proc=760)
