Eins marks tap hjá U17 karla gegn Englandi
Önnur umferð Opna Norðurlandamóts U17 landsliða karla fór fram í dag, þriðjudag. Ísland tapaði fyrir Englandi með eins marks mun og gerðu þeir ensku eina mark leiksins. Í hinum leik riðilsins unnu Norðmenn öruggan 4-1 sigur á Finnum og eru því efstir í B-riðli ásamt Englendingum. Finnar og Íslendingar eru án stiga, en þessi lið mætast einmitt í lokaumferð riðlakeppninnar á fimmtudag.
Í A-riðli komust Danir í toppsætið með því að leggja Færeyinga með tveimur mörkum gegn engu, en þess má geta að íslenskir dómarar voru í þeim leik, þeir Þóroddur Hjaltalín aðaldómari og Gylfi Már Sigurðsson annar aðstoðardómarinn. Gestgjafarnir, Svíar, unnu 5-1 stórsigur á Skotum.
.jpg?proc=760)
.jpg?proc=760)
