Tveggja marka tap gegn Þjóðverjum
Lokaumferð riðlakeppni á Opna Norðurlandamótinu hjá U16 kvenna fór fram í gær og er ljóst að Þýskaland og Frakkland leika til úrslita í mótinu. Íslensku stelpurnar mættu þeim þýsku en Þjóðverjar eru með gríðarlega sterkt lið og höfðu unnið 2 fyrri leiki sína með markatölunni 15 - 0 samtals.
Íslenska liðið barðist hetjulega í leiknum, sem fram fór við góðar aðstæður á Hvolsvelli. Lokatölur urðu 2-0 þýska liðinu í vil en þær þurftu að hafa verulega fyrir þessum sigri. Íslenska liðið leikur því um sjöunda sætið á mótinu við Svía og fer sá leikur fram á ÍR-velli kl. 11:00, laugardaginn 5. júlí.