Tap í markaleik gegn Noregi
Norðurlandamóti U16 var áframhaldið í gærkvöldi og voru fjórir leikir á dagskránni. Ísland mætti Noregi í Þorlákshöfn og fóru Norðmenn þar með sigur af hólmi í miklum markaleik, 6-2. Íslenska liðið leikur lokaleik sinn í riðlakeppninni á morgun, fimmtudag, þegar þær taka á móti Þjóðverjum.
Þýska liðið er gríðarlega sterkt og í gær lágu Danir með átta mörkum gegn engu. Í hinum riðlinum lögðu Frakkar Svía með fjórum mörkum gegn einu í Sandgerði og Holland lagði Finna með tveimur mörkum gegn engu í Garðinum.
Lokaumferð riðlanna fer fram á morgun, fimmtudag og hefjast allir leikirnir kl. 16:00. Í A riðli leika á Hvolsvelli Ísland og Þýskaland og í Þorlákshöfn mætast Danir og Norðmenn. Í B riðli leiks svo efstu lið riðilsins, Frakkland og Holland á Njarðvíkurvelli og í Grindavík mætast Finnland og Svíþjóð.
.jpg?proc=760)
.jpg?proc=760)
