Miðasala á Noreg - Ísland 6. september
Fyrsti leikur Íslands í undankeppni HM 2010 verður laugardaginn 6. september en þá verða Norðmenn sóttir heim. Leikurinn fer fram á Ullevaal vellinum í Osló og hefst kl. 19:00 að staðartíma (17:00 að íslenskum tíma). Knattspyrnusambandið fær miða á leikinn og býðst Íslendingum að kaupa þá hér á síðunni.
Allir miðarnir eru á sama svæði á vellinum og kostar miðinn 4.600 krónur. Hægt er að sækja miðana á skrifstofu KSÍ frá 25. ágúst eða að láta senda þá í pósti og er sendingarkostnaður þá 1.000 krónur.
Íslendingar hafa verið duglegir að mæta á landsleiki Íslands sem fara fram á Norðurlöndunum. Það verður væntanlega góð mæting til Osló einnig. Tryggið ykkur miða í tíma.
Áfram Ísland!
.jpg?proc=760)
.jpg?proc=760)
