Gunni Óla og Sjonni Brink skemmta í hálfleik
Gunnar Ólason og Sigurjón Brink munu halda uppi fjörinu með gítarleik og söng í hálfleik á viðureign Íslands og Grikklands á Laugardalsvelli á fimmtudag.
Þeir félagar eru magnað tvíeyki með mikla reynslu úr tónlistarbransanum og eiga vafalítið eftir að skemmta vallargestum á meðan þjálfarar liðanna lesa yfir sínum leikmönnum í búningsklefunum í hálfleik.
Gunna Óla þekkir tónlistaráhugafólk úr hljómsveitinni Skítamóral og Sjonni Brink gerði m.a. frábæra hluti með laginu "Áfram!" í undankeppni Eurovision í fyrra.
