Fyrsta æfingin hjá stelpunum í kvöld
Íslenska kvennalandsliðið hóf undirbúning sinn fyrir landsleikinn gegn Slóvenum í kvöld en þá var æft á Laugardalsvellinum í blíðskaparveðri. Það er mikill hugur í hópnum fyrir þessa leiki en leikið verður gegn Slóvenum á laugardaginn og gegn Grikkjum fimmtudaginn 26. júní næstkomandi. Miðasala á leikinn gegn Slóveníu er í fullum gangi hér á síðunni og á www.midi.is.
Hinn jarðbundni, Dagur Sveinn Dagbjartsson, mætti með myndavélina á æfinguna í kvöld og hitti þar fyrirliðann Katrínu Jónsdóttur og Ástu Árnadóttur og spurði þær út í baráttuna framundan.
