Hóparnir gegn Serbíu og Wales tilbúnir
Þeir Sigurður Ragnar Eyjólfsson, landsliðsþjálfari kvenna og Ólafur Jóhannesson, landsliðsþjálfari karla, tilkynntu í dag á sameiginlegum blaðamannafundi hópa sína fyrir næstu verkefni.
Dagur Sveinn Dagbjartsson hitti landsliðsþjálfarana eftir fundinn í dag og heyrði hljóðið í þeim fyrir þessa leiki.
Miðvikudaginn 28. maí verður mikill landsleikjadagur en þá verða bæði A landslið Íslands í eldlínnunni. Kvennalandsliðið leikur ytra gegn Serbíu í undankeppni fyrir EM 2009. Leikið verður í Kragujevac og verður leikurinn sýndur í beinni útsendingu á RÚV og hefst kl. 15:00.
Karlalandsliðið leikur vináttulandsleik við Wales á Laugardalsvellinum síðar þennan sama dag eða kl. 19:35. Þessi leikur er liður í undirbúningi liðsins fyrir undankeppni fyrir HM 2010 en fyrsta verkefni Íslands þar er leikur við Norðmenn ytra, þann 6. september næstkomandi.
.jpg?proc=760)
.jpg?proc=760)
