U19 karla leika gegn Búlgörum í dag
Í dag kl. 16:00 leika Íslendingar við Búlgari í milliriðli fyrir EM 2008 hjá U19 karla. Með sigri tryggir íslenska liðið sér sæti í úrslitakeppni EM sem fram fer í Tékklandi í júlí. Ísland og Búlgaría hafa unnið báða sína leiki til þessa í riðlinum en Búlgörum dugir jafntefli til þess að tryggja sér efsta sætið.
Kristinn R. Jónsson, landsliðsþjálfari U19 karla, hefur tilkynnt byrjunarliðið fyrir leikinn og stillir hann upp sama liði og sigraði Ísrael með einu marki gegn engu.
Byrjunarliðið (4-5-1):
Markvörður: Ingvar Jónsson
Hægri bakvörður: Eggert Rafn Einarsson
Vinstri bakvörður: Kristinn Jónsson
Miðverðir: Fannar Arnarsson og Hólmar Örn Eyjólfsson
Tengiliðir: Aron Einar Gunnarsson, Guðmundur Kristjánsson og Gylfi Þór Sigurðsson
Hægri kantur: Rafn Haraldsson
Vinstri kantur: Guðmundur Reynir Gunnarsson
Framherji: Björn Jónsson
Jósef Kristinn Jósefsson er meiddur og leikur ekki í dag og sömu sögu er að segja um Ögmund Kristinsson markvörð.