U19 karla heldur til Noregs á morgun
Íslenska U19 landslið karla heldur til Noregs snemma í fyrramálið þar sem leikið verður í milliriðli fyrir EM 2008. Liðið er þar í riðli með heimamönnum, Búlgaríu og Ísrael. Fyrsti leikurinn er við Noreg, sunnudaginn 27. apríl.
Kristinn hefur þurft að gera fjórar breytingar á upprunalega hóp sínum og hafa þeir Ingvar Jónsson úr Njarðvík, Steinn Gunnarsson úr KA, Guðmundur Steinn Hafsteinsson úr Val og Aaron Palomares úr HK komið inn í hópinn. Þeir sem detta út eru: Viktor Unnar Illugason, Haraldur Björnsson, Björn Bergmann Sigurðarson og Kolbeinn Sigþórsson.
Liðið tryggði sér sæti í milliriðlum með því að hafna í öðru sæti riðilsins í undankeppninni. Englendingar sigruðu þann riðil en Ísland lagði bæði Belgíu og Rúmeníu og komst þar með áfram.
Dagur Sveinn Dagbjartsson hitti landsliðsþjálfarann, Kristin R. Jónsson, á dögunum og ræddi við hann um verkefnið í Noregi. Viðtalið má sjá hér.
