Sigurður Ragnar til Grikklands
Sigurður Ragnar Eyjólfsson, landsliðsþjálfari, mun á morgun fylgjast með leik Grikkja og Frakka í 3. riðli undankeppni fyrir EM 2009. Þessi lið verða mótherjar Íslands síðar á árinu.
Frakkar eru í efsta sæti riðilsins, eru með 12 stig eftir fimm leiki en Íslands kemur þar á eftir með 9 stig eftir fjóra leiki. Grikkir hafa hlotið þrjú stig í þremur leikjum, hafa tapað gegn Frökkum og Íslendingum en unnið Serba á útivelli.
Næsti leikur Íslands í riðlinum er á útivelli gegn Serbum og fer sá leikur fram í Kragujevac, miðvikudaginn 28.maí. Áður en að þessum leikjum kemur leikur íslenska liðið tvo vináttulandsleiki gegn Finnum ytra. Fyrri leikurinn fer fram sunnudaginn 4. maí og sá síðari miðvikudaginn 7. maí.
