Leikir við Norður Íra hjá U19 karla í september
Knattspyrnusambönd Íslands og Norður Írlands hafa komist að samkomulagi um að U19 karlalandslið þjóðanna leiki tvo vináttulandsleiki. Leikirnir fara fram ytra og verða 8. og 10. september.
Leikirnir eru liður í undirbúningi liðsins fyrir undankeppni EM 2009 en mótherjarnir þar verða Svíþjóð, Makedónía og Austurríki.
Næsta verkefni U19 karlalandsliðsins er hinsvegar milliriðill fyrir EM 2008 en sá riðill fer fram í lok april og verður leikinn í Noregi. Mótherjar Íslendinga þar verða auk heimamanna, Ísrael og Búlgaría.
