Hópurinn gegn Slóvökum tilkynntur
Ólafur Jóhannesson, þjálfari A-landsliðs karla, hefur valið 20 manna hóp fyrir vináttulandsleikinn gegn Slóvökum 26. mars. Leikurinn fer fram í Zlaté Moravce í Slóvakíu.
Sjö af þeim leikmönnum sem léku gegn Færeyingum í Kórnum á sunnudag eru í hópnum - Kjartan Sturluson, Stefán Logi Magnússon, Atli Sveinn Þórarinsson, Bjarni Ólafur Eiríksson, Jónas Guðni Sævarsson, Aron Einar Gunnarsson og Helgi Sigurðsson.
Meðal þeirra sem koma inn í hópinn fyrir þennan leik eru Hermann Hreiðarsson, Eiður Smári Guðjohnsen, Grétar Rafn Steinsson og Emil Hallfreðsson.
