Byrjunarliðið gegn Færeyingum
Ólafur Jóhannesson, landsliðsþjálfari, hefur tilkynnt byrjunarlið sitt er mætir Færeyingum í dag kl. 16:00. Leikurinn fer fram í hinu glæsilega knatthúsi Kórnum í Kópavogi. Sex leikmenn frá Íslandsmeisturum Vals eru í byrjunarliðinu.
Byrjunarliðið(4-5-1):
Markvörður: Kjartan Sturluson
Hægri bakvörður: Birkir Már Sævarsson
Vinstri bakvörður: Bjarni Ólafur Eiríksson
Miðverðir: Atli Sveinn Þórarinsson, fyrirliði og Heimir Einarsson
Tengiliðir: Jónas Guðni Sævarsson, Aron Einar Gunnarsson og Davíð Þór Viðarsson
Hægri kantur: Baldur Aðalsteinsson
Vinstri kantur: Tryggvi Guðmundsson
Framherji: Helgi Sigurðsson
Miðasala fer fram á midi.is og einnig er hægt að fá miða á leikstað. Áhorfendur eru beðnir um að koma tímanlega og fara eftir leiðbeiningum um bílastæði þegar komið er að Kórnum.
