Leikskráin fyrir leikinn gegn Færeyingum í Kórnum
KSÍ ákvað á síðasta ári að hefja að nýju útgáfu leikskrár fyrir heimalandsleiki og er því haldið áfram nú, en slík útgáfa hafði ekki verið í meira en áratug.
Fyrir vináttulandsleikinn gegn frændum okkar Færeyingum á sunnudag verður gefin út 20 blaðsíðna leikskrá með ýmsum áhugaverðum og gagnlegum upplýsingum.
Leikskráin verður seld í Kórnum á leikdag og kostar aðeins kr. 500. Leitið eftir sölufólki, þar sem leikskráin er ekki seld í miðasölunni.
Skellið ykkur á eintak af leikskránni og geymið sem minjagrip um leikinn!
Meðal efnis að þessu sinni:
- Ávörp formanns og þjálfara
- Umfjöllun um fyrri viðureignir og eftirminnilegir leikir rifjaðir upp
- Umfjöllun um landsliðshópa beggja liða og þjálfarana
- Skilaboð frá stuðningsmönnum
- Knattspyrnugetraun
- Fyrsti landsleikur Guðna Bergs rifjaður upp
- Hetja dagsins
.jpg?proc=760)
.jpg?proc=760)
