Miðasala á Ísland - Færeyjar er hafin
Miðasala á vináttulandsleik Íslands og Færeyja er hafin en leikurinn fer fram sunnudaginn 16. mars og hefst kl. 16:00. Leikið verður í hinni glæsilegu íþróttahöll Kórnum í Kópavogi en þetta er í fyrsta skiptið sem A-landsleikur karla fer fram innanhúss hér á landi.
Miðasala hófst kl. 11:00 í dag og fer salan í gegnum miðasölukerfi hjá midi.is en einungis eru 1000 miðar í boði. Miðinn kostar 2000 krónur fyrir fullorðna, 17 ára og eldri, en 1000 krónur fyrir börn 16 ára og yngri. Einungis eru seldir miðar í sæti.
Að kaupum loknum fær kaupandinn sendan e-miða (pdf skjal) í tölvupósti, sem hægt er að prenta út og nota sem aðgöngumiða á völlinn.
Vinsamlegast fylgið merkingum að bílastæðum norðan við Kórinn.
