Góðar aðstæður hjá kvennalandsliðinu
Íslenska kvennalandsliðið er komið til Algarve þar sem liðið tekur þátt á Algarve Cup. Fyrsti leikur liðsins er á morgun, miðvikudag og verða Pólverjar andstæðingarnir. Leikurinn hefst kl. 13:15 og verður fylgst með framvindu leiksins hér á síðunni.
Stelpurnar æfa tvisvar sinnum í dag og eru æfingavöllurinn í góðu ásigkomulagi og allar aðstæður hinar bestu.
Leikið verður við Pólland á morgun, Írland á föstudaginn og Portúgal á mánudaginn. Á miðvikudag verður svo leikið um sæti.
