Dómaranámskeið eingöngu fyrir konur
Mikill áhugi er innan vébanda KSÍ að fá fleiri konur í dómgæslu. Hugmyndin er að halda dómaranámskeið eingöngu fyrir konur sem vilja gerast héraðsdómarar.
Gylfi Orrason er kennari á námskeiðinu og mun fara í praktísku hliðina á dómgæslunni. Í framhaldi verða síðan fundin verkefni við hæfi fyrir þátttakendur.
Í fyrrasumar var haldin úrslitakeppni EM U-19 kvenna hér á Íslandi. Dómararnir þar voru eingöngu konur enda er það stefna hjá UEFA og FIFA að konur dæmi alla kvennaleiki á vegum þess.
Ef vel tækist til í þessu átaki er ekkert því til fyrirstöðu að tilnefna konur á FIFA listann í framtíðinni.
Námskeiðið verður sunnudaginn 24. febrúar og hefst klukkan 13:00 í höfuðstöðvum KSÍ.
Allar konur sem hafa áhuga á þessum málaflokki eru velkomnar á námskeiðið.
Ef þú hefur áhuga á að taka þátt í námskeiðinu sendu þá póst á magnus@ksi.is
.jpg?proc=760){kind=logo}
