Undirbúningur fjárhagsgagna í fullum gangi
Þau félög sem undirgangast leyfiskerfi KSÍ eru nú í óða önn að undirbúa fjárhagsleg leyfisgögn, en skiladagur þeirra er 20. febrúar næstkomandi. Fjárhagsleg leyfisgögn eru endurskoðaður ársreikningur með fullri áritun endurskoðanda ásamt fylgigögnum og staðfestingum.
Jafnframt ber þeim félögum sem fengu athugasemdir við leyfisgögn sín sem skilað var 15. janúar, þ.e. önnur en fjárhagsleg, að skila endurbættum gögnum eigi síðar en sama dag og fjárhagslegum gögnum er skilað - 20. febrúar.
Aldrei áður hafa jafn mörg félög undirgengist leyfiskerfi KSÍ, sem nú nær til alls 24 félaga, þ.e. allra félaga í Landsbankadeild karla og 1. deild karla.
.jpg?proc=760)
