Landsleikur við Azerbaijan 20. ágúst á Laugardalsvelli
Knattspyrnusamband Íslands og Knattspyrnusamband Azerbaijan hafa komist að samkomulagi um að karlalandslið þjóðanna leiki vináttulandsleik. Leikurinn fer fram 20. ágúst og verður leikinn á Laugardalsvelli.
Ísland og Azerbaijan hafa ekki leikið áður hjá A-landsliðum karla en Azerar voru í 116. sæti á síðasta styrkleikalista FIFA. Þessi vináttulandsleikur er liður í undirbúningi þjóðanna fyrir undankeppni HM 2010 en Azerar eru þar í riðli með Rússum, Þjóðverjum, Finnum, Walesverjum og Liechtenstein. Íslendingar leika hinsvegar í riðli með Hollandi, Skotlandi, Noregi og Makedóníu.
.jpg?proc=760)
.jpg?proc=760)
