Æft tvisvar sinnum í dag
Karlalandsliðið er statt á Möltu um þessar mundir þar sem liðið tekur þátt í æfingamóti. Fyrsti leikur liðsins er við Hvíta Rússland á morgun, laugardag. Þessar þjóðir hafa ekki áður mæst í A-landsleik karla.
Tvær æfingar verða í dag hjá landsliðinu og er æft á æfingasvæði við hlið þjóðarleikvangsins en allir leikir mótsins fara fram á þeim velli. Gunnar Heiðar Þorvaldsson kom til Möltu í gærkvöldi og var mættur á æfingu snemma í morgun. Hann var að gera sig kláran fyrir æfinguna þegar að búningastjórinn árvökuli, Björn Ragnar Gunnarsson, smellti af honum mynd. Aðstæður eru með ágætasta móti á Möltu, u.þ.b. 15 stiga hiti en vellirnir frekar harðir.
Ísland og Hvíta Rússland hafa ekki mæst áður í A-landsleik karla en þessar þjóðir mætast í fyrsta leik æfingamótsins á laugardag. Að auki taka þátt í mótinu, heimamenn í Möltu og Armenar.
.jpg?proc=760)
.jpg?proc=760)
.jpg?proc=760)
