Öll félög í 1. deild hafa skilað leyfisgögnum
Leyfisstjórn getur staðfest að öll félögin tólf sem hyggjast leika í 1. deild karla 2008 hafa nú skilað inn fylgigögnum með umsókn um þátttökuleyfi. Skiladagur gagna, annarra en fjárhagslegra, var 15. janúar.
Tíu félög skiluðu gögnum 15. janúar eða fyrr, en tvö félög nýttu sér möguleikann á að pósta gögnin eigi síðar en þann dag.
Leyfisstjórn mun á næstu dögum og vikum yfirfara gögnin, gera athugasemdir þar sem við á og sammælast við félögin um leiðir til úrbóta áður en umsóknirnar fara fyrir leyfisráð.
Næsti stóri dagur í leyfisferlinu er 20. febrúar, en þá ber félögunum að skila fjárhagslegum gögnum.
.jpg?proc=760)
