Valsmenn fyrstir að skila í Landsbankadeildinni
Íslandsmeistarar Vals urðu í dag fyrsta Landsbankadeildarliðið til að skila fylgigögnum með leyfisumsókn fyrir keppnistímabilið 2008. Gögn sem nú er skilað snúa að knattspyrnulegum forsendum, mannvirkjaforsendum, starfsfólki og stjórnun, og lagalegum forsendum - þ.e. öllum öðrum en fjárhagslegum.
Þar með hefur eitt félag í hvorri deild sem undirgengst leyfiskerfið skilað gögnum - KA í 1. deild karla og Valsmenn sem fyrr greinir í Landsbankadeild karla. Gögnum, öðrum en fjárhagslegum, á að skila eigi síðar en 15. janúar, en skiladagsetning fjárhagslegra gagna er 20. febrúar.
.jpg?proc=760)
