Leikið við Slóvakíu 26. mars
KSÍ og Knattspyrnusamband Slóvakíu hafa náð samkomulagi um að karlalandslið þjóðanna mætist vináttulandsleik í Slóvakíu 26. mars næstkomandi. Þetta verður þá annar vináttulandsleikurinn í marsmánuði en einnig er fyrirhugaður leikur við Færeyjar í Egilshöll 16. mars. Leikdagurinn 26. mars er alþjóðlegur landsleikjadagur.
Íslenska landsliðið mun einnig taka þátt á alþjóðlegu móti á Möltu dagana 2. - 6. febrúar. Mótherjar Íslendinga þar verða Malta, Hvít-Rússar og Armenía.
Íslands og Slóvakía hafa tvisvar áður mæst í A-landsleik karla og hafa Slóvakar farið með sigur af hólmi í bæði skiptin. Árið 1997 mættust þjóðirnar í vináttulandsleik í Trnava í Slóvakíu. Heimamenn sigruðu 3-1 og það var Helgi Sigurðsson sem kom Íslendingum yfir á 26. mínútu í þeim leik.
Þjóðirnar mættust svo aftur ári síðar en sá leikur var liður í alþjóðlegu móti á Kýpur. Slóvakar unnu þann leik einnig, 2-1 og var það Bjarki Gunnlaugsson sem minnkaði muninn á 77. mínútu í þeim leik.
Nánari upplýsingar um leikstað og leiktíma verða birtar þegar þær berast.
.jpg?proc=760)
.jpg?proc=760)
