Nýr starfsmaður í fræðslumál
Knattspyrnusamband Íslands hefur ráðið Dag Svein Dagbjartsson sem starfsmann í fræðslumál. Dagur hefur lokið B.S. gráðu í íþróttafræðum frá KHÍ Laugarvatni og á að baki 12 landsleiki fyrir U-17 ára landslið Íslands. Dagur Sveinn hefur að auki starfað sem íþróttafréttamaður á Fréttablaðinu og á DV. Hann mun hefja störf fyrir KSÍ þann 1.janúar 2008.
Dagur Sveinn mun verða Sigurði Ragnari Eyjólfssyni fræðslustjóra KSÍ til aðstoðar og mun fræðslustarf KSÍ eflast enn frekar fyrir vikið.
KSÍ býður Dag Svein velkominn til starfa.
.jpg?proc=760){kind=logo}
