Allt klárt fyrir leikinn
Leikur Danmerkur og Íslands hefst kl. 19:00 í kvöld að íslenskum tíma. Leikurinn fer fram á Parken og ljóst er að mikill fjöldi Íslendinga verður á staðnum og mun vonandi láta heyra vel í sér.
Leikmenn og aðstandendur eru í óða önn að undirbúa sig fyrir átökin í kvöld og er hinn listhneigði búningastjóri, Björn Ragnar Gunnarsson, þar engin undantekning. Þessi símamynd sem hann sendi okkur var tekin þremur tímum fyrir leik en þá var allt klárt í búningsklefa íslenska liðsins.
Leikurinn verður í beinni útsendingu á sjónvarpstöðinni Sýn og hefst útsending þar kl. 18:30.
