Leyfisferlið fyrir 2008 hafið
Samkvæmt Leyfishandbók KSÍ hefur þeim félögum sem hyggjast sækja um þátttökuleyfi í Landsbankadeild karla og 1. deild karla 2008 hér með sendar nauðsynlegar upplýsingar, áður en vinna við Leyfisumsókn hefst.
Leyfishandbókin
Í Leyfishandbókinni er að finna allar nauðsynlegar upplýsingar um allar forsendur sem þarf að uppfylla.
Leyfisfulltrúi
Hvert félag skal tilnefna einn leyfisfulltrúa.
Trúnaður
KSÍ er bundið trúnaði gagnvart leyfisumsækjendum og er ekki heimilt að gefa upp neinar upplýsingar úr leyfisgögnum leyfisumsækjenda. Allir aðilar sem koma að leyfiskerfinu fyrir hönd KSÍ hafa undirritað slíka trúnaðaryfirlýsingu.
Lykildagsetningar
Skil á gögnum, öðrum en fjárhagslegum, eigi síðar en 15. janúar.
Fjárhagslegum gögnum skilað eigi síðar en 20. febrúar.
Fjárhagsleg leyfisgögn – FLG
Hvert félag þarf fulla áritun endurskoðanda á ársreikning sinn, eins og áður.
Aðstoð á skrifstofu KSÍ
Leyfisstjóri verður til taks á skrifstofu KSÍ ef spurningar vakna. Hlutverk leyfisstjóra í þessu ferli er að halda utan um kerfið og aðstoða félögin við að útbúa leyfisumsókn.
Skjöl á leyfisvefnum
Öll nauðsynleg skjöl er að finna á leyfisvefnum hér á ksi.is. Heiti skjalanna eru hluti af skjalastýringu Leyfiskerfisins og á sumum stöðum í gátlista yfir allar forsendur má sjá tilvísanir í ákveðin skjöl. Þessi skjöl má sækja á Leyfisvefinn.
.jpg?proc=760)
