Landsliðið æfði á Rheinpark Stadion
Íslenska landsliðið æfði í kvöld á Rheinpark Stadion en þar fer fram landsleikur Íslands og Liechtenstein á morgun og hefst kl. 18:00. Leikurinn verður í beinni útsendingu á sjónvarpstöðinni Sýn og hefst útsendingin kl. 17:40.
Allar aðstæður eru hinar ákjósanlegustu og fer vel um hópinn í Liechtenstein. Landsliðið æfði undir fullum flóðljósum í kvöld en leikurinn hefst kl. 20:00 að staðartíma. Þjóðarleikvangurinn Rheinpark Stadion, sem einnig er heimavöllur FC Vaduz, tekur rúmlega 6000 manns í sæti og var tekinn í notkun árið 1998.
Hinn geðþekki búningastjóri, Björn Ragnar Gunnarsson, var með símtækið á lofti sem fyrr og sendi okkur myndirnar hér að neðan.
Mynd: Brynjar Björn Gunnarsson á æfingu í kvöld en hann á einmitt afmæli í dag.
Mynd: Hópurinn á æfingu undir fullum flóðljósum.
