Tap í fyrsta leik hjá U17 karla gegn Serbíu
Strákarnir í U17 töpuðu fyrsta leik sínum í riðlakeppni EM en leikið er í Serbíu. Andstæðingarnir í dag voru heimamenn og lauk leiknum með sigri þeirra, 1-0. Mark Serba kom á fyrstu mínútu og tókst íslensku strákunum ekki að jafna metin.
Strax á fyrstu mínútu leiksins kom markið er réði úrslitum í þessum leik. Serbar fengu aukaspyrnu og upp úr henni datt boltinn fyrir fætur eins leikmanns þeirra í teignum og hann setti boltann í markið. Áfallið töluvert svona í byrjun leiks en íslensku strákarnir voru fljótir að jafna sig og náðu undirtökunum í leiknum. Ekki tókst þó að koma boltanum í mark heimamanna þrátt fyrir ágætis tækifæri.
Staðan markalaus í hálfleik og var síðari hálfleikur afn og spennandi en Íslendingar fengu opnari marktækifæri. Þegar leið á leikinn jókst pressan á heimamenn en þrátt fyrir góða tilburði tókst ekki að koma boltanum í mark Serba og lokatölur því 1-0, heimamönnum í vil.
Þessi fyrsti leikur í mótinu var prýðilega leikinn af íslenska liðinu og aðeins augnabliks einbeitingarleysi í byrjun leiksins réð úrslitum. Næsti leikur íslenska liðsins verður gegn Ísrael á laugardaginn og hefst leikurinn kl. 13:30.
