Leikskráin fyrir leikinn gegn Norður-Írum
KSÍ ákvað á þessu ári að hefja að nýju útgáfu leikskrár fyrir heimalandsleiki, en slík útgáfa hafði ekki verið í meira en áratug. Fyrir landsleikinn gegn Norður-Írum á miðvikudag verður gefin út 20 blaðsíðna leikskrá með ýmsum áhugaverðum og gagnlegum upplýsingum.
Sams konar leikskrá var einnig gefin út fyrir leikina gegn Liechtenstein og Kanada fyrr á þessu ári og gegn Spáni síðasta laugardag, og verður gefin út fyrir þá landsleiki sem eftir eru á þessu ári.
Leikskráin verður seld við innganginn á leikvanginn og kostar aðeins kr. 500. Leitið eftir sölufólki, þar sem leikskráin er ekki seld í miðasölunni.
Skellið ykkur á eintak af leikskránni og geymið sem minjagrip um leikinn!
Meðal efnis að þessu sinni:
- Ávörp formanns og þjálfara
- Umfjöllun um fyrri viðureignir og eftirminnilegir leikir rifjaðir upp
- Umfjöllun um landsliðshópa beggja liða og þjálfarana
- Skilaboð frá stuðningsönnum
- Minningarorð um Ásgeir Elíasson
- Knattspyrnugetraun
