Tvær breytingar á hópnum hjá U21 karla
Luka Kostic, landsliðsþjálfari U21 karla, hefur gert tvær breytingar á hóp sínum fyrir leikinn gegn Belgum sem fer fram þriðjudaginn 11. september kl. 17:30 á Akranesi. Hjálmar Þórarinsson og Stefán Kári Sveinbjörnsson koma inn í hópinn í stað Guðjóns Baldvinssonar og Rúriks Gíslasonar sem eru meiddir.
Þetta er þriðji leikur U21 karla í riðlakeppni fyrir EM 2009 en Íslendingar töpuðu gegn Kýpur í fyrsta leik sínum en gerðu jafntefli við Slóvaka ytra síðastliðinn föstudag.
.jpg?proc=760)
.jpg?proc=760)
